Union Minister hnenah thlen

Zonuna Kawlni /

Mizoram-a rawn zin mek Union Minister of State for Agriculture and Farmers Welfare Bhagirath Choudhary leh BJP Mizoram State President Vanlalhmuaka te chu nizan hmasa khan Aizawl-a State Guest House-ah an inkawm.

He inkawmna ah hian BJP President chuan Mizoram in hma a sawn theih nan Mizoram mihring za zela 75 loneitute chu eizawnna ngialnghet siam sak hmasak an ngaih thu Union Minister hi hrilhin, Mizorama loneitute'n harsatna an tawh hrang hrang, a bikin an thlai thar hralhna leh sawngbawlna kawnga harsatna an tawh te, transportation chungchanga harsatna an tawh te, khuarel chhiatna in loneitute hmunhma a tihchhiat chungchang a chhawmdawl an ngaih thu leh thildang te a lo thlen a ni.

Union MoS for Agriculture and Farmers Welfare chuan Prime Minister Narendra Modi kaihhruai sawrkarin Mizoram sawrkar a ngaih pawimawh thu sawiin, Mizoram loneitute'n harsatna an tawh mek leh an harsatna ata tanpui an nih theih dan tur ziaka Mizoram a chhuahsan hma ngeia pe turin a hrilh a. Amah ngei pawh loneitu a nih thu leh loneitute harsatna chu a hriat thiampui thu sawiin, Mizoram-a loneitute harsatna tawh hrang hrang an lo hrilh chu lawmawm a tih thu a sawi a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »