Thlai thar dehral dan sawiho

Nimin khan Consultative Meeting on Agricultural Produces Marketing chu Assembly House Speaker Lalbiakzama hovin a Pisa-ah neih a ni a, he hunah hian Agricultural Minister PC. Vanlalruata, Commerce & Industries Minister F. Rodingliana, Adviser to CM (Implementation of Hand-Holding Policy) K.C Lalmal-sawmzauva leh ZIDCO Managing Director LP. Lalchangkima te bakah State pawn atangin an mirawn thenkhat te an tel a. Mizoram thlai thar te hlawk zawk leh awmze nei zawk a dehral theih dan tur kawng hrang hrang sawiho a ni a. A kaihhnawih thil awm thei lo dawnsawnna hmun tur te, a leitu tur te lo sawngbawl dan turte leh heng a tul tur thil te zau takin an sawiho a ni.