Sainik School Parade Ground hawn a ni

Sainik School Chhingchhip-a Local Board of Administration Chairman leh Assam Rifles (East)-a Inspector General Major General Suresh Kumar Bhambhu chuan Zirtawpni khan Chhingchhip-a Sainik School chu tlawhin School Parade Ground a hawn bakah Sainik School Chhingchhip Principal Pisa-a Local Board of Administration thutkhawm vawi 8-na neih chu a kaihruai bawk a. He thutkhawm ah hian Deputy Director, Directorate of School Education, Mizoram; Sub Deputy Commissioner, Serchhip District bakah School naupangte nu leh pa aiawh leh School hotu hrang hrangte an tel a ni. 

He thutkhawmah hian Sainik School Chhingchhip inrelbawlnaa pawimawh hrang hrang sawiho a ni a. Scholarship Scheme chungchang te, nizung chakna hmang Eng vuah dan tur te, ruahtui khawl dan tur bakah Special Compensatory Allowances te ngaihtuah a ni bawk.