NE-a ADC hotute New Delhi-ah an inhmukhawm

Zonuna Kawlni /

India hmarchhak-a Autonomous District Council sawm (10) hotute chu nimin khan New Delhi ah an inhmukhawm.

Hmarchhak State hrang hranga Autonomous District Council hotute hi Chanakyapuri, New Delhi-ah inhmukhawmin inpum-khatna leh thawhhona tha zawk a awm theih nana hmalak dan tur hrang hrangte an sawiho a, Hmar-chhak-a Autonomous District Council ten dinhmun sang zawk leh hmasawnna tam zawk an neih theih nana rawtna awmte sawihoin, an chanvo tur dik taka an chan theih nana hmalak ho tha an ti a, Sawrkar laipui a thlen ngaite thlen nghal tha an tih bakah a bawhzuina ah pawh lungrual taka bawhzui nise an ti.

Autonomous District Council hotute New Delhi-a inhmuhkhawmna ah hian Mizoram a Autonomous District Council pathum te chuan aiawh an tir a, Hmarchhak bial-a Autonomous District Council te chuan August thla hian Shil-long-ah inhmuhkhawm leh nise an ti a, Sawrkar laipui-a an thuthlen te bawhzui dan tur leh hmalakna tur an duan hrang hranga hmalakna te thlirho nise an ti bawk.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »