Mumbai City-ah Serchhip tlangval
Serchhip Field Veng tlangval Daniel Lalhlimpuia hi Chandigarh Football Academy chhuak niin India Under-19 Captain hial pawh ni phak a ni a, kum 2016 khan India tan pawh inlan tawhin Club lamah I-League-ah Bengaluru atanga hriat lar a ni a, Odisha FC, Delhi Dynamos, Chennaiyin FC leh Punjab FC tan khel tawhin game 130 chuang a inlan tawh a. Season tawp ruala Punjab FC in an chhuah zalen hnuah ISL Champion Mumbai FC chuan lalutin Season khat daih contract a ziak a ni.
Kum 26-a upa Daniel Lalhlimpuia chuan Club lian tak leh player tha ber ber fuankhawmna Mumbai City a zawm thei chu mumang ram ang mai a nih thu sawiin, Club thar tana inlan a nghahhlel tawh thu a sawi bawk a, Mumbai City-ah hian LZ Chhangte leh Valpuia te nen an khel ho thei dawn a ni.
Comments
Post a Comment