MNF Candidate thlangtling

Lai Autonomous District Council (LADC) hnuaia 12-Lawngtlai Chandmary bial Member of District Council (MDC) seat ruak hnawhkhah nana by-election a Vote tla te chu nimin khan chhiar niin MNF Candidate C. Lalsawmzuala chu thlantlin a ni a, C. Lalsawmzuala hian Vote 1,161 hmuin amah hnaih bertu ZPM Candidate F. Hrangtu-khuma chuan Vote 876 a hmu a, BJP Candidate K. Lalawmpuia chuan Vote 19 hmuin NOTA ah Vote 5 a tla bawk a ni. LADC-a 12-Lawngtlai Chandmary bial hi Dr. Lorrain Lalpekliana Chinzah Bial thin niin MLA-a thlantlin a nih hnuah a ban avangin Bial ruak-ah puan a ni.

LADC-ah hian Elected Seat 25 awmin MNF hian MDC 13 an nei ta a, ZPM in MDC 10 neiin Congress leh BJP in MDC pakhat ve ve an nei a, Congress leh MNF te hian sawrkar intawm siam mekin tun tumah hian Congress hian Candidate nei lovin MNF an thlawp a. MNF hian Party mal a sawrkar siam theihna khawp MDC an nei ta a ni.