Kum 4 tang turin rel sak

Zirtawpni kaltaa Aizawl Special Court (Prevention of Corruption)-in thiam loh a chantir, State Bank of India Mission Veng Branch Manager hlui, Lalkhomang Guite leh Aizawl Sacred Heart Society hotu Gary T. Haokip te chu kum 4 chhung Jail tang tur leh cheng nuai 10 ve ve chawi tura hrem an ni a, an pawisa chawi tur hi an pe thei lo a nih chuan kum 2 ve ve an tan belh dawn a ni. Nimin-a Court in heng mi pahnih te hremna a pek chhan a tarlanah pawisa khawih chingpen zat a tam avang leh an dan bawhchhiat dan chu a danglam thu tarlangin, midang tan mai bakah anmahni insiamthat nan a tul vang niin Court thuchhuah chuan a sawi a ni.