In luah ngam loh thiat

Tunhnaia ruahsur nasa avanga Serchhip Hmar Veng-a chenna In pakhat luah zui ngam loha awm chu nimin khan hnatlang-a thiah a ni.
Tarlan tawh angin tunhnaia ruahsur nasa avang khan tunhma lama Serchhip Hmar Veng-a lei che thin hmun thenkhat chu che lehin Serchhip Sports Complex panna kawng hlui lama awm Lalchhuanliana te In chu tunkar tir atang khan leikhi hian a tibuai a, an In hi luahzui ngam a nih tak loh avanga niminpiah lama an bungrua te an thiarchhuah hnuah nimin khan khawtlang chuan hnatlang neiin In hi an thiah sak a ni. Nimin-a hnatlang-a thawk te thingpui inna atan hian Bialtu MLA leh Chief Minister Lalduhoma chuan Rs. 5000/- hlanin ZPM Serchhip Block hruaitu ten Chief Minister aiawh in an hlan a ni.