Tanpuina tur nuai 10 hlan

Tunhnaia Mizoram-a thli leh ruah vanga chhiat tawkte tanpuina atan Chin Media, Vaurawng Zuunthil te chuan nimin khan Central YMA hnenah cheng nuai 10 an hlan a, Central YMA aiawhin General Secretary Prof. Malsawmliana leh Finance Secretary MS. Ralte ten an lo dawng a ni. Vaurawng Zuunthil te hian June ni 3 atanga ni 6 inkar khan Social Media Campaign neiin tanpuina hi an khawn a, Central YMA chuan chhiattawk te tanpuina tura sum thawhtu Vaurawng Zuunthil te leh pawl hrang hrang te chungah lawmthu an sawi tih thuchhuah siamin an tarlang a ni.