Tanpuina dil leh theih mek

Serchhip DIPRO Office chuan hriattirna tichhuakin ‘Dr. Ambedkar Medical Aid Scheme’ hnuaia tanpuina dil duhte tan Director, Dr. Ambedkar Foundation, 15 Janpath, New Delhi-ah dilna thehluh a nih thu a tarlang a, he Scheme hnuaia tanpuina dil thei te chu Scheduled Castes leh Scheduled Tribes, Kum khata chhungkaw sum lakluh Rs. 3,00,000/- aia tam lo te niin Kal, Lung, Thin, Cancer leh Thluak zai ngaite, Organ transplant leh Spinal surgery mamawhte leh nunna tana hlauhawm natna dang veite tan dil theih a ni.

Application Form leh documents te hian Surgery neih ni tur atanga chhiar a ni 15 hma ngeiin Director, Dr. Ambedkar Foundation, 15 Janpath hnen a thleng hman tur a ni a, Surgery atana senso zat tura chhut lawk ang zat hi Hospital-ah pek nghal tur niin sum sen theih zat erawh bituk siam a ni thung a. He Scheme hnuaia tanpuina diltute chuan Application form awmsa hmangin emaw, lehkha (plain paper)-ah Dr. Ambedkar Foundation website-a ziahdan tura hriattir angin dilna hi ziaka thehluh tur a ni ang.