Supply Minister in Mamit tlawh

Supply Minister B. Lalchhanzova chuan nimin khan Mamit-a District Civil Supplies Officer (DCSO) Office tlawhin Mamit District chhunga Centre hrang hranga thawktute nen an inkawm a, an hmalakna hrang hrangte zawtin, thawhhona tha tak nena hna thawk turin a chah bawk a ni. Mamit District chhungah hian Supply Centre 13 awmin DCSO Office-ah hian thawktu 18 an awm mek a, Mamit District Godown-ah hian thla 6 chhung daih Monsoon Stock a awm thu he hunah hian tarlan a ni bawk.

Supply Minister hian Mamit Chhim Veng YMA Hall-a MZP in zirlai tithate chawimawina hun an buatsaih pawh a hmanpui nghal bawk a, he hunah hian Class X zirlai Distinction-a pass mi 10 leh First Division-a pass mi 26, an vaiin mi 36 bakah Class XII zirlai Distinction-a pass 3, an vaiin mi 39 te chawimawi an ni a. Best School Award chu St. Francis of Assisi School hnenah hlan an ni bawk.