Scholarship la semchhuah loh chhan sawifiah

Mizoram Scholarship Board chuan Post Matric Tribal Scholarship semchhuah theih a la nih loh chungchang thuchhuah siamin an sawifiah.

Mizoram Scholarship Board chuan Post Matric Tribal Scholarship (Schedule Tribe) chu Ministry of Tribal Affairs, Govt. of India atangin 1st installment atan cheng nuai 712.52 dawn a nih tawh thu leh hemi atana State Matching Share pawh Mizoram sawrkar hnen atangin cheng nuai 79.16 dawn a nih tawh thu an sawi a. Sum awmsa hian diltu tlemte chauh a daih dawn avangin Ministry-ah dil belh leh ni mahse kumdang ang lo takin 1st installment hman zawh hmasak hunah 2nd installment hi pek kan ni dawn chauh tih hriattir an nih thu an sawi a. Sum awm zatin a daih ang ang Institution thenkhatah semchhuah turn mek a ni mah se National Scholarship Portal lamin an System an upgrade avangin Disbursal System an rawn tih danglam avangin NSP kaltlangin tu State mahin an semchhuak theih rih lo niin an tarlang a ni.

Hei bakah hian 2022-23 Pre Matric Tribal Scholarship (Schedule Tribe) sum mamawh zat pawh an neih vek tawh thu leh National Scholarship Portal lama Disbursal system hman theih anih veleh sem a ni ang tih an tarlang bawk a, “Rang taka semchhuah anih theih nan National Scholarship Portal viltu National Informatic Centre, New Delhi te hnenah kan harsatna te thlenin hmalak mek a ni. Harsatna tawh mekte hrethiama, lo ngaichang hram tura ngen kan ni e,” an ti bawk.