MULCO in nuai 207.19 hlep

Zonuna Kawlni /

Mizoram Milk Producers’ Co-operative Union Ltd. (MULCO) chuan nimin khan Aizawl Thuampui-a MULCO Conference Hall-ah General Meeting vawi 28-na hmangin AH& Vety Minister C. Lalsawivunga chuan a hmanpui a, MULCO kaltlangin mi tam takin eizawnna an neih phah tih sawiin, Mizoram Economy chawi-sanna kawngah MULCO chuan an thawhhlawk hle tih a sawi bawk. MULCO hian kum 2023-2024 chhung khan bawnghnute litre nuai 9 chuang leiin Rs. 4,28,97,656 an seng a, heng te hi an sawng-bawl hnuah mipuite hnenah zuarchhuak lehin Rs. 10,48,58,249 an hmu a. Nikum chhung khan an hmalakna atangin cheng nuai 207.19 an hlep a ni. MULCO-ah hian thawktu mi 55 awmin bawnghnute leh an thil siamchhuah zawrhna hmun 319 an nei bawk a ni.

Comments

Post a Comment

Popular News (Last 30 Days)

Electric current in man

Zonuna Kawlni /
Image
Nimin chhun khan Serchhip Vengchung-a cheng Lalruatdika chu a hnathawhna ah Electric in manin ZMC-ah enkawl tura hruai nghal a ni. Thudawn danin Lalruatdika s/o T. Laldanglova, Serchhip Vengchung hi Serchhip Vengchung-a Govt. M/S chhak ah mi In sakna ah Mistiri hna a thawk a, nimin chhunlai pelh hret ah khan a chung lama Iron Rod an lek chuan an In sak mek chunga kal Serchhip Entlang lam Power pekna, 11kV Line chu a fuh palh a, Electric hian a man zui ta a ni. Lalruatdika hi Serchhip damdawi In panpui nghal a ni a, nimin vek khan ZMC panpui leh nghal a ni. Nimin-a Electric in Lalruatdika a man laia a awmna Beam atang hian Electric Line hi meter 1.5 vela sang nia thudawn a ni bawk.
Kimchang zawkin »