Mizoram-ah Golden Card nei 5,61,470 an awm

Mizoram-ah Golden Card nei mi 5,61,470 awm mekin heng te hi chhungkaw 1,97,334-a mi te an ni a, Golden Card nei zinga mi 17, 241 te chuan tangkai taka hmang tawhin mi 28,003 atangin bill a lut tawh bawk a ni. Golden Card hmang tamna ber District chu Aizawl District nii, Champhai District-in a dawt a, Siaha District chu Golden Card neih tlemna niin mi 27,688 in an nei bawk a ni.

Golden Card hi siam hunchhung bituk a awm hran lo a, sawrkar damdawi In zawng zawng ah siamtir theih niin, Mizoram State Health Care Society Office, Dinthar leh Common Service Centre (CSC)-ah siamtir theih a ni bawk. Golden Card nei tur hian NFSA (Ration Card Eng leh Pawl nei) chhungkua, National Health Authority (NHA data lut chinte) chuan Golden Card hi an nei thei a, Socio-Economic Caste Senus (SECC) 2011 Deprived list leh RSBY 2018 list a chuang zinga chhungkaw member pakhat talin Golden Card an lo siam tawh a nih chuan Golden Card nei thei chhungkuaah chhiarzawm an ni bawk a ni. 

Comments

Popular News (Last 30 Days)

Serchhip DCSO sawn a ni