Lawngtlai District-ah raltlan 29 luh belh leh

Niminpiah khan Lawngtlai District-a Vathuampui khua-ah Bangladesh-a Chittagong Hill Tracts atangin raltlan 29 an lo luh belh a, raltlan 29-te hi chhungkaw 9-a mi niin puitling 16 leh naupang 13 an ni a, he khua ah hian Bangladesh raltlan mi 390 an awm mek a ni. Heti hian Lawngtlai District-a sahimna zawnga Bangladesh atanga raltlan awm zat chu 1,901 an tling ta a, an zinga engemaw zat hi Relief Camp 12-ah awmin a dangte chu khaw 11-a an chhungte leh thiante belin an awm a ni. Lawngtlai District-ah hian Bangladesh atanga raltlan 1,901 bakah Myanmar atanga raltlan 5922 nen an vaiin raltan 7823 an awm mek a ni.