Lok Sabha Inthlanpui-a Vote tla te chhiar dawn ta
Serchhip District chhunga Vote tla te chhiar tura inbuatsaihna atan hian nimin khan Serchhip District Election Office-a NIC Room-ah Counting Observer Revati Gaikar, SCS leh DEO David Lalthantluanga hovin Lok Sabha Election 2024 a Serchhip District chhunga vote tla te chhiartu tur Counting Officials te tana 2nd Randomization chu neih a ni a, he hunah hian Vote chhiar tura ruat hrang hrangte chu Team-ah siamin Counting Supervisor, Counting Assistant leh Counting Micro Observer te chu an Counting Hall awmna tur leh an thawhpui turte siam rem an ni a. Tukin dar 5:00-ah 3rd Randomization nei lehin hetah hian an thutna tur Dawhkan chu khawl hmanga siamrem leh a ni ang.
Tukin-a 3rd Randomization neih zawh a nih hnu zing dar 7:00-ah Serchhip DC Office a Strong Room te chu hawn a ni anga, Vote thlakna khawl te lachhuakin tun tum Inthlanpui ah hian Postal Ballot-a Vote tla te Aizawl-ah chhiar vek tur a nih vangin zing dar 8:00-ah EVM-a Vote tla te hi chhiar taan nghal tura ruahman a ni.
Tarlan tawh angin Serchhip District-a Assembly Constituency pathum-a vote tla te hi Counting Hall hran theuhah chhiar a ni dawn a. Serchhip Bial-a Vote tla te chu DC Conference Hall-ah chhiar a ni anga, Tuikum bial-a Vote tla te DC Meeting Hall-ah chhiarin Hrangturzo Bial a Vote tla te chu E-District Building-ah chhiar a ni dawn thung a ni.
Serchhip District chhunga Candidate ten Vote an hmuh dan te mipuite hnena puanzar zung zung a nih theihna turin Serchhip DC Office-a Addl. DC Room-ah Media Centre buatsaih a ni leh dawn a, helai hmun atang hian Inthlan result tharlam ber ber te puanchhuah tum niin LENKAWL pawhin Inthlan result hi a theih anga rangin rawn puanzar kan tum dawn a ni.
Comments
Post a Comment