Lok Sabha 18-na atan Vote thlak zawhfel a ni

Lok Sabha 18-na din tura Inthlanpui-a Vote thlak chu zawhfel a ni ta a, naktuk-ah Vote tla te hi a ruala chhiar tur a ni ang.

Lok Sabha 18-na din tura Inthlanpui hi April 19, 2024 atang khan ramchhung ah neih tan niin thawh 7-ah mipui ten Vote an thlak a, ni 43 chhungin ramchhunga Lok Sabha Bial 543 zinga bial 542-ah Lok Sabha 18-na atan hian mipui ten Vote hi an thlak a, Surat-ah chuah BJP Candidate chu chuhtu dang awm lova thlantlin a ni.

Lok Sabha Inthlanpui thawh 7-a neih ah hian a hnuhnung ber atan Inrinni khan State 7 leh Union Territory pakhat chhunga Parliament Bial 57-ah Vote thlak leh a ni a, tluang taka Vote hi thlak niin tun tum Inthlanpui thawh 7-a neiha Vote tla te hi naktuk-ah rampum-ah a ruala chhiar tur a ni ang.
Tun tuma Lok Sabha Inthlanpui neih a nih rual hian Andhra Pradesh, Arunachal Pradesh, Odisha leh Sikkim-ah te Assembly Inthlanpui neih a ni nghal bawk a, nimin-a Vote chhiar zingah Arunachal Pradesh-ah BJP chuan party mal-a sawrkarna siam thei khawpin hnehna a chang a, Sikkim-ah hian Seat 32 awm ah rorellai Sikkim Krantikari Morcha (SKM)-in seat 31 lain sawrkar an siam thei dawn bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar