Serchhip District-a Vote tla chhiar tur ten training nei

Lok Sabha Inthlanpuia Serchhip District-a Vote tla te chhiar turin inbuatsaihna kalpui mek zel a ni a, nimin khan Vote chhiar tura ruat te tan Training hmasa neih a ni.
April 19, 2024-a Lok Sabha inthlanpui-a Vote tla te chhiar tura ruat te tana Training hi nimin khan Govt. Serchhip College-ah neih niin SDO (Sadar) Rebecca Lal-dinmawii Hrahsel leh SDC Lalhrualiana Zote ten Vote chhiar tura ruat te hi zirtirna an pe a, Ser-chhip District-a Vote tla te chhiar tur hian Micro-Observer mi 43, Counting Supervisor 33 leh Counting Assistant mi 35 ruatchhuah an ni a, niminpiah khan 1st Randomization neiin heng mi an ruatchhuah te atang hian Vote chhiarna a Duty turte thlanchuah an ni a, June 3, 2024-ah 2nd Randomization nei lehin June 4, 2024-ah 3rd Randomization neih leh tur a ni dawn a ni.


Vote tla te chhiarna atan hian Serchhip DC Office Complex-ah Counting Centre siamin Counting Hall pathum siam a ni dawn a, District chhunga Assembly Bial pathum-a Vote tla te hi a hran \heuha chhiar tur niin ruahmanna peihfel thawkhat a ni tawh a ni.

Nimin-a Training-ah hian EVM-a Vote tla te chhiar tura hriat tur pawimawh hrang hrang zirtir niin ruahman lawk ang chuan thla thar June 3-ah Training vawi hnihna neih leh tur a niin Lok Sabha Inthlanpui-a Vote tla te hi June 4-ah rampum-ah a ruala chhiar a ni ang.

Comments

Popular News (Last 30 Days)

LPG man bithliah thar