Ruah leh thli laka fimkhur turin mipuite hriattir

State Mateorological Centre, Govt. of Mizoram in a tihchhuah angin Bay of Bengal chhim chhak lam thlipui in siam mek chuan a hrut theih tur zingah Mizoram tel lo mahse Mizoramah ruah leh thli a rawn thlen tura ngaih a ni a. May ni 26, 2024 leh May ni 27, 2024 ah niin, Mizoram hmun thenkhatah thli na vak lo (50-70 Kmph) vela thawk theia ngaih a ni. 

Serchhip DC Pu David Lalthantluanga, District Disaster Management Authority Chairman ni bawk chuan thlipui thleng thei laka mipuite chiai lo turin a hriattir a, amaherawhchu, thlipui leh ruah thleng thut thei laka fimkhur tur leh a hnuaia inkaihhruaina te hi zawm turin a hriattir a ni.

1. Mahni in leh lo te thli leh ruah a dawl theih nan a tul anga thawmthat ngai laite thawmthat tur a ni.

2. Tui paihna leh tui luankawr te mumal taka siam tur a ni.

3. Ruah sur avanga leimin thei laite hriatchiana fimkhur ni se.

4. Tui hmun, lui leh ramhnuaiah te kal loh a tha.

5. Ruah vanga eng (Power supply) neih loh theih a nih avangin electric hmang thil te charge lawk theih a piang charge lawk a tha.

6. Rikrum thila mamawh tur torch light, emergency light, first aid kit, tui thianghlim leh ei tur te lo in rinlawk a tha.

7. Thu dik tawk lo leh belhchian dawl lo thehdarh loh tur a ni a, lo thehdarh an awm chuan DM Act 2005 hnuaia hremna dan ziak angin an chungah action lak a ni ang.

Chhiatna a lo thlenin Serchhip District Emergency Operation Centre No. 9862116104 emaw Bialtu Zonal Officers hnenah a rang thei ang bera hriattir tur a ni.