ASF hri la leng mek zel
AH & Vety Department hotute hnen atanga thu kan dawn danin Serchhip District chhunga khaw pahnih-a Vawk te te Sample enfiah atangin heng khuaa Vawk thi te hi ASF vanga thi an ni ngei tih finfiah a ni tawh a, Khumtung khua ah ASF vang hian Vawk 51 thi tawhin Vawk 110 suat a ni tawh bawk a, he khua ah hian Vawk 253 la awm anga chhinchhiah a ni.
Chhingchhip khua ah pawh ASF vang hian kumin ah Vawk 17 thi tawhin nimin khan Vawk 21 zet suat leh a ni bawk a, heng Vawk suat thar leh te nen hian hri leng avang hian Vawk 163 zet an suat tawh bawk a, Chhingchhip ah hian khaw dai-a Vawk vulhna hmuna mi te nen Vawk 1120 la awm anga chhut a ni bawk.
Hetihlai hian Mizoram pumah nimin khan ASF avanga Vawk thi chhinchiah thar 63 awm lehin Vawk 197 suat leh a ni bawk a, heng te nen hian Mizoram-ah kumin chhungin ASF vanga Vawk thi 1024 awm tawhin Vawk 1623 suat a ni tawh bawk a, hri avanga ran vulh lama harsatna nei tan Vety Department Phone No. 1962-ah Doctor te biak rawn theih reng a ni bawk.
Comments
Post a Comment