Revenue Deptt. hnathawhna tur System enchhin

Land, Revenue & Settlement Department chuan ‘GIS Based Comprehensive Land Record Management System’ an buatsaih thar chu enchhinna hun hmangin he hun hi Revenue Minister B. Lalchhanzova chuan a telpui.

NEC hnuaia cheng vbc. 6.48 Project ‘GIS Based Comprehensive Land Record Management System’ hian Revenue Department hnathawh chu a digitise bakah lehkha thehluh hrang hrang te chu online-a thehluh theih anih tawh dawn bakah application leh file te pawh online a process a ni tawh dawn a. Hei hian lehkha leh File bo thin chu a ti bo dawn tih Revenue Minister chuan sawiin, hmasawnna ropui tak a nih thu a sawi a. Surveyor detailment leh File thlen chin pawh mipui in awlsam takin apps hmang leh SMS hmangin an en thei dawn a, Department Officer te leh Surveyor te pawhin he Software hmang hian ram teh tawh chu an process thei dawn a. An hna thawh chin pawh hotute leh mipui lam pawn an thlir zel thei tur chuan accountability leh transparency a thlen ngei a beisei thu Minister hian a sawi bawk. Mipui lamin document thehluh kimloh emaw, an dilna a felhlel alo awm emaw anih pawn he System hian SMS leh Link hmangin a hriattir thei dawn a, hei hian Ease of doing business a chawisan bakah Department chu mipui tan a hnukhnai tur chu lawmawm a tih thu a sawi bawk.

He Software hi Lailen Consulting Limited te siam niin nimin-a enchhinna neih a nih hnu hian siamthat ngai lai te siamthat anih hunah a hmangtu tur Department te training pek an ni anga, mipui lam pawh Awareness pek an ni dawn bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar