LADC-ah EM thar 9 lalut

Lai Autonomous District Council (LADC)-a Chief Executive Member C. Lalmuanthanga'n Executive Member atana a rawt mi pakua (9) te chu Mizoram Governor-in May 27, 2024-a a pawmpui hnuah nimin khan Executive Member atan lakluh an ni a. Executive Member lakluhna hun LADC Hall, Lawngtlai-a neih ah Lawngtlai District Bawrhsap Cheemala Siva Gopal Reddy chuan heng Executive Member thar te hi rinawmna thu tiam tirin a lalut a ni.

Nimin-a LADC Executive Member atana lakluh te hi Lungtian bialtu MDC Sanghuliana Mualchin; Vathuampui bialtu MDC C. Rongura; Sekulh bialtu MDC Lallawmsanga Apetow; Lawng-tlai Bazar bialtu MDC Lalropuia Chinzah; Chawngte 'P' bialtu MDC Andrew Laltlanzara; Bualpui 'NG' East bialtu MDC L. Daniala; Sangau South bialtu MDC JB. Vanhoy; Lawngtlai College Veng bialtu MDC C. Hrangthianga leh Diltlang South bialtu MDC HC. Lalthawmliana te an ni a, heng Executive Member te hna chanpual tur pawh CEM chuan nimin khan a puang nghal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar