Green Mizoram Day ngaihtuah

Nimin khan Khawzawl-ah District Level Committee on Green Mizoram chu an Chairman leh District Bawrhsap K. Lalrohlua hova thukhawmin kumin a Green Mizoram Day hman dan tur an rel a. Green Mizoram Day hi Khawzawl DC Conference Hall-a hman relin hemi hnu hian NH-06 (Khawzawl – Champhai)-ah thing phun tur a ni anga, Tuimuk lei atanga Champhai lam kilometer 1.5 a thui-ah thingtiak 500 tal phun tura ruahmanna siam a ni.

Lawngtlai-ah pawh nimin khan District Level Committee on Green Mizoram chu Addl. DC B. Malsawmtluangi hovin an thukhawm a, June 11-ah Green Mizoram Day hman tura ruahman niin Lawngtlai DC Office tual-ah hun hman nise an ti a, KMMTTP kawngpui kamah nikum lama thing phun tawhna piah lam, Lawngtlai atanga KM 9 velah kumin hian thingtiak 330 phun nise an ti bawk.