District & Session Judge in Serchhip District Jail a tlawh

Zonuna Kawlni /

District & Session Judge leh Aizawl Judicial District-a District Legal Services Authority Chairman Joel Joseph Denga MJS chuan Zirtawpni tlai khan Serchhip District Jail tlawhin an dinhmun te a enfiah bakah thawktute a kawm nghal bawk.
 District & Session Judge hi Serchhip-a District Legal Services Authority Member Secretary Josangzeli Tlau MJS leh Serchhip District Jail-a Superintendent Lalbiakthanga te bakah an thawhpui ten an lo dawngsawng a, Serchhip District Jail chhung leh Office te tlawhin thawktute a kawm bawk. He hunah hian Jail tang zinga an thubuai ngaihtuah zawh tawh (Convict) leh thubuai ngaihtuah lai (Under Trail Prisoners) ten an mamawh leh harsatna hrang hrang lo thlenin heng te hi District & Session Judge chuan a ngaih-thlak sak a, an harsatna tawh  te a tul anga hmalak sak nghal a tiam bawk a ni.

Serchhip District Jail-ah hian tang mi 40 an awm mek a, heng zinga mi 26 te chu an thubuai ngaihtuah lai niin midang 14 te chu thubuai ngaihtuah tawh leh thiamloh chantir tawh te an ni a. Heng zinga mi 13 te chu Simple Imprisonment niin mi pakhat hi rim taka hna thawk chunga tang tur, Rigorous Imprisonment (RI) a ni thung.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »