Pastor Bial huaihawtin Ruihhlo Do Pawl din

Mizoram Presbyterian Kohhran-a New Serchhip Pastor Bial chuan ‘Ruihhlo Do Pawl Committee’ an din thar. Kumin-a New
Serchhip Pastor Bial Inkhawmpui thurel bawhzuiin Inrinni khan New Serchhip Pastor Bial Standing Committee chuan an huamchhunga an Kohhran bakah Kohhran dang zawng zawng te, New Serchhip North leh South VC leh tlawmngai pawl (YMA, MHIP leh MUP Branch) hrang hrang aiawhte chu Ruihhlo Do chungchang sawiho tura sawm khawmin, Kohhran hrang hrang leh VC leh Tlawmngai Pawl hrang hrang aiawh mi 100 chuang zet an kalkhawm a, he huna kalkhawmte hian New Serchhip VC pahnih (North leh South) huamchhung leh Chhiahtlang VC huamchhunga awm, New Serchhip Pastor Bial in a huam si Bukpui pawh huam tela ruihhlo do kawnga hma latu tur, New Serchhip Ruihhlo DO Pawl Committee an din a, hruaitu tur pawh pawl hrang hrang atangin an inruat nghal a ni.

New Serchhip Ruihhlo Do Pawl Committee-ah hian Chairman atan R. Sanghmingthanga (Chhekhnai Branch YMA) chu ruat niin Vice Chairman atan Rengliana (VCP New Serchhip South) leh C. Lalrotluanga (VCP, New Serchhip North) te ruat an ni a, Secretary-ah H. Lalhnehzauva (New Serchhip Bazar Branch YMA); Asst. Secretary-ah Ramtharmawia (Secretary, New Serchhip North VC); Treasurer-ah Rualzakhuma (President, MUP New Serchhip North Branch) leh Fin. Secretary-ah F.Lalhmunthangi (MHIP Venglai Branch) te ruat an ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar