PHE Tui sem khaihlak mek

Serchhip IOC Veng PHE Booster Pump a Electric Transformer chu Zirtawpni tlai-a ruahsur lai khan a chhia a, hei vang hian Booster Pump atang hian Serchhip Bazar lam-ah Tui pump theih a ni lo a, Zirtawpni leh Inrinni-a tui dawng tur thenkhat ten la dawng thei lovin Thawhtanni-a tui dawng thin te pawhin Vawiin lam hian an la dawng thei dawn lo bawk a ni.

PHE Serchhip WATSAN Division-a Sr. SDO Er. Samuel LR. Ralte chuan Tui Pump-na tha lo siam tur hian an theih anga hma an lak nghal thu sawiin, Diesel Engine tha tawh lo chu lo hman lailawk turin a theih ang anga siamin nizan dar 6:30 khan Tui hi pump chhunzawm leh theih a ni tih a sawi a, Vawiin lam hian Transformer chhia aia hman tur pawh lak theih an beisei tih a sawi bawk. Er. Samuel LR. Ralte chuan khawl tha lo avang hian dan pangngai a tui pump theih a ni lo tih sawiin, mipuite chu lo hrethiam turin an ngen tih LENKAWL a hrilh bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar