CM tirh Team of Officers te Vawiin ah rawn kir beisei

Chief Minister thurawn anga Rubber chin kawnga hmalakna hrang hrang zirtu Land Resources, Soil &Water Conservation Department-a Team of Officers te chu Vawiin hian Aizawl rawn thleng leh tura beisei an ni.

Land Resources, Soil &Water Conservation Department hian Chief Minister thurawn angin Rubber Board of India a Rubber chingtute hamthatna àwm thei te dap chhuak tur leh Mizorama Rubber Mission hlawhtling tak a kalpui anih theihna tur thil tul te zir turin Team of Officers te chu Rubber Board of India hmunpui, Kottayam (Kerala)-ah a tir a. He Team hi L&,S&WC Department-a Joint Director Rosy Lalmuansangi Hmar chuan hovin, H. Malsawmi, Under Secretary, LR,S&WC Department; C. Rinsangpuia, OSD Rubber leh Lalthafamkima, SC Ranger-te an tel a, an tihtur ang ti zo in Vawiin hian Aizawl-ah an rawn kir ang.

Team of Officers hian tun thla ni 19 khan Aizawl chhuahsanin Kotayam hi an thleng nghal a, Thawhtanni khan Rubber Board of India hotu ber Executive Director M. Vasanthagesan leh a thawhpuite nen an inkawm a. Rubber Board hotute hian an lo ngai pawimawhin Mizoram tan thil pawimawh, hmalak zui dan tur leh thawhho zel dan tur an sawiho a ni.

Rubber Board of India hnuaiah hian Rubber Research Institute leh National Institute for Rubber Training changtlung tak a awm a, heng Institute te hi Mizoram-a Rubber Farmer te leh thalai entrepreneurship lama tui te tan tangkai taka hman theih an nih thu an lo hrilh a. Hei bakah hian Rubber chingtuten Rubber an hnai dan te, a hnai an lakkhawm dan, an sawngbawl zui dan te a hmunah an enfiah a. Cluster (zàu) a hmalakna hi a that avangin Mizoram-ah pawh Rubber Producer Society din a, chak tak a kalpui tha an ti hle a ni.