Experiential Learning Centre kalpui mek thlirho

Experiential Learning Centre (ELC), Champhai enkawl tura din, Management Committee of Experiential Learning Centre chu nimin khan an Chairman leh Champhai DC, James Lalrinchhana hovin an thukhawm.

He thutkhawm ah hian Champhai DC chuan Experiential Learning Centre chu Sawrkar laipui Ministry of Information & Broadcasting kaltlangin State thlan bikah din a nih thu sawiin, Champhai District chu Mizoram District zinga Experiential Learning Centre hmalakna awmchhun a nih thu a sawi a. Khawvel thiamna sang zelah Artificial Intelligence-in kan nunah hmun a chan nasat thu sawiin, games mai bakah zirlai puitu turte dah a nih dawn avangin ELC chu zirna hmun pawimawh taka siam tum a ni, a ti bawk.

Experiential Learning Centre (ELC) hi CHANEM building 2nd Floor-ah bun mek niin, a hmunhma cheibawl hna hi April ni 29, 2024 ah tan a ni a. Tunah hian chhuat phah leh a bang siam bakah corridor cheimawi, Receptor Counter, Rack leh Gate siamte a la ngai a. Virtual Reality Gaming bik atan BellAtoZ atanga lokalte'n May ni 18, 2024 khan Gaming Material-te endikin May ni 20, 2024-ah Master Trainer turte training an pe a ni. ELC bungraw hrang hrang EGG VR (a ruala mi 2 chuan theihna), Bike Racing, Car Racing, 360VR, Gaming Arena, Walk the plank leh HoloWorld-te chuan March ni 29, 2024 khan Champhai a thleng a; tunah hian hmunhma buatsaih leh khawl bunfel hna hi thawh mek zel a ni.