Observer ten Saitual tlawh

Mizoram-a Lok Sabha Inthlanpui neih tura Expenditure Observer Arvind Sharma leh Anita Rines-i te bakah Police Observer K. Satyanarayana te chuan niminpiah khan Saitual District tlawhin Saitual District Election Officer, Dr. Lalngura Tlau kaihhruaina hnuaiah AEO, FST, SST, MCMC, Police leh Election Official pawimawhte an kawm a. Observer te chuan Mizoram chu ram ralmuang tak niin Election pawh felfai takin an hmachhawn tawh thin tih sawiin, amaherawhchu chuti chung chuan ECI in inkaihhruaina a pek te ngai pawi-mawha zawm hram hram turin an chah a. Mahni hna te tha taka hlenchhuah tum turin thawktu hrang hrangte chu an chah bawk a ni.