Mizoram sawrkar ah Secretary 28 an awm mek

Mizoram sawrkar hnuaiah Secretary 28 an awm mek a, chung zinga mi pakua chu hmeichhia an ni.

Department of Personnel & Administrative Reforms (DP&AR)-in a tarlan danin tun dinhmuna Mizoram sawrkar hnuaia Secretary 28 awm mek zinga mi 19-te chu mipa an ni a, an zingah mi pahnih chu hnamdang an ni a, a bak zawngte chu Mizo vek an ni. Mizo hmeichhia tun dinhmuna Secretary dinhmun chelh mekte hi Mizo vek an ni a, Lalzarmawii IAS; Esther Lal Ruatkimi IRS; Sangchhin Chinzah IAS; K. Lalrinzuali IAS; Zodingpuii IAS; Teresy Vanlalhruaii MCS; Er. Lalhmingliani Hmar MES; HM. Hualsangi MSS leh Helen Dawngliani, MJS te an ni a. Mizoram sawrkar hnuaia Secretary hnamdang awmte chu Vinay Kumar IAS leh Syed Musawwir Ali IAS te an ni.

Secretary dinhmun chelh mekte hi Service hrang hranga mite an ni a, IAS tam berin IA&AS an awm bakah, IRS, IRAS, MCS, MF&AS, ICAS, MJS leh MES te an awm bawk.