April chhungin Kawnpui ah rel luh tir tum a ni

Kumin March thla chhunga Kawnpui thlenga Rel kaltir tum chu harsatna neuh neuh a awm avangin a hun takah peih hman a ni ta lo a. April, 2024-ah erawh Kawnpui hi luhtir hman ngei tum a ni.

Railway Consultant Hrangtawna chuan a hmaa March thla chhunga Kawnpui leh Hortoki thleng Rel kaltir an tum chu harsatna neuh neuh avangin tih hlawhtlin theih a ni ta lo tih sawiin, Kawnpui leh Hortoki Station-ah hian Rel phah (track linking) zawh a ni tawh a, April-ah chuan a luh ngei beisei a ni tih a sawi a. Ruahman dan chuan August, 2024-ah Mualkhang-ah Rel hi luhtir hman tum a ni tih a sawi bawk.

Kilometer 51.38-a thui Bairabi to Sairang kawng siam nan hian a tirah cheng vbc. 2,393.49 ruahman a niin a hnuaah vbc. 5,021.45-ah revise a ni a, a zawhna atan hian cheng vbc. 6,527 vel ngai tura chhut a ni.

Bairabi to Sairang inkar Rel kawng thui zawng hi KM 51.38 niin Lei dawh lian (Major bridge) 55 leh Lei dawh tenau (Minor bridge) 87 a awm a. Hmun 32 laiah leiverh (tunnel) a awm a, leiverh  zawng zawng thui/sei belhkhawm pawh hi KM 12.63 a ni dawn a. Leiverh (tunnel) thui ber sei/thui zawng chu KM 1.88 a thui a ni.

He project atan Railways-in ram hectare 481.18-a zau an hmang mek a. Kolasib District huam chhungah Forest ram hectare 38.94-a zau leh Non-Forest Land mimal ram hectare 308.01-a zau leh Aizawl District huamchhungah Forest ram hectare 35.547-a zau leh Non-Forest Land mimal ram hectare 98.595 zau an hmang a. Heng zawng zawngah hian zangnadawmna (compensation) cheng vbc. 840 bawr vel ram neitute pek an nih tawh nia thudawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni