Kum 85 chunglam vote nei thei 4741 an awm

/

Mizoram Lok Sabha Inthlanpui neih turah kum 85 chunglam mahni In-a Vote thlak thei mi 4741 an awm.

Mizoram Lok Sabha Inthlanpui neih turah hian kum 85 chunglam vote nei mi 4741 awmin Election Commission of India thupek angin kum 85 chunglam te hi mahni chenna In atanga vote thlak (Home Voting) phalsak an ni a. Kum 85 chunglam Vote nei hi Mipa 2167 leh Hmeichhia 2574 an ni. District hrang hrang zingah Aizawl District chu kum 85 chunglam Vote nei tamna ber niin 1493 an awm a, Lunglei District-ah 819 awmin Mamit District-ah 436 an awm bawk a ni. Heng bakah hian Serchhip District-ah mi 359 awmin Champhai District-ah 350, Saitual District-ah 341, Kolasib District-ah 290, Siaha District-ah 254, Lawngtlai District-ah 235, Khawzawl District-ah 96 leh Hnahthial District-ah 68 an awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »