Khualzin te laka harsatna dang siam lo turin ti

Election Commission of India chuan Inthlanpui kaihhnawiha Duty te chu khualzin (tourist) te laka harsatna dang thlen lo turin a ti.

Hemi chungchanga thuchhuah an siamah tunhnaiah Tamil Nadu-a FSs (Flying Squads) /SSTs (Static Surveillance Teams) ten khualzin (tourist) te kut atangin pawisa tam tak an man sak tih Election Commission of India beng a thlen thu leh ECI huan hei hi a ngai thutak hle tih an tarlang a. Khualzinte hi India ram hmun hrang hrang tlawha an zinkual thin avangin an veivahna, ei leh in bakah thlen man tur pawisa engemaw zat an pai a ngai thin a, heng atan hian document an neih kher chu a tul loh thu leh anmahni kha khualzin an ni ngei a, an chetvelna chu inthlanpui nen a inkaihhnawih lo a ni tih finfiah felfai mai kha a tawk tih tarlangin, “Tul lovah an tan harsatna dang thlen loh tur a ni,” a ti.

May ni 29, 2015-a ECI in SOP a tihchhuah [Annexure G7 of Compendium of Instructions on Election Expenditure Monitoring (January, 2024)] ah chuan Candidate, Agent, Party Worker ten tum khatah tangkafai Rs. 50,000/- aia tam an pai a thiang lova, party bungrua pawh tum khatah Rs. 50,000/- aia tam phurh phal a ni lo a. Hei hi phal chin bak aia tam sum dik lo taka hman ven a nih theihnan ruahman a ni.

Flying Squads leh Static Surveillance Teams te hi District-a Senior Officer, a bika ruat ten an ho thin a, Videographer leh Police ralthuam keng ten an puibawm thin a. Chuvangin endik hna pawh taima tak leh hawihawm takin, midangte zah thiamna nen an kalpui thin tur a ni tih tarlangin, an lakah mipuite lungawilohna a thlen loh nan District Election Officer leh Superintendent of Police ten uluk takin Flying Squads)/ Static Surveillance Teams te hnathawh dan an vil thin tur a nh thu leh SOP zawm lo te chungah dan angin hremna lek a ni ang tih a tarlang bawk.

Comments

Popular News (Last 30 Days)

LPG man bithliah thar