Waste to Art/ Craft Competition cum Exhibition nei

Mizoram Pollution Control Board (MPCB) leh District Education Officer, Serchhip buatsaih ‘Waste to Art/ Craft Competition cum Exhibition, 2024’ chu nimin khan Serchhip-ah neih a ni.
Serchhip District pum huap ‘Waste to Art/ Craft Competition cum Exhibition, 2024’ hi Presbyterian English School Serchhip Assembly Hall-ah neih a ni a, he inelna hi hlawm hnih ah then niin hlawm khat-ah pawl 1 zirlaite atanga pawl 8 zirlaite tan intihsiakna neih a ni a, he inelna ah hian Vanrempuia (PES, Serchhip) chu pakhatna niin Malsawmhlui (PES, Serchhip) chu pahnihna a ni a, Zomuanpuia (Chawngbuangi Memorial School) chu pathumna a ni bawk.

Hlawm danga ineln ah pawl 9 atanga pawl 12 ten inelna neiin C. Rosangpuii (Govt. PCR H/S) chu pakhatna niin Zodinpuii (Govt. JM H/S) chu pahnihna leh Vanlalhmangaihi (Govt. JM H/S) chu pathumna a ni a, pakhatna hian lawmman ah Rs. 5000/- dawngin pahnihna in Rs. 3000/- leh pathumna in Rs. 1000/- an dawng a, a tel zawng zawngte hnenah lawmman hlan theuh niin he hun hi Serchhip DEO Lawmawma chuan khuallian niin a hmanpui a ni.

District pum huap Waste to Art/ Craft Competition cum Exhibition, 2024-ah hian zirlai ten thil hluihlawm tawh leh tangkaina nei tawh lo tura ngaih thil chi hrang hrang hmangin thil tha, mawi leh tangkai zawk siamin phochhuah a ni a, zirlaite hian an In lamah heng thil te hi siamin nimin khan phochhuah niin mi thahnem tak ten a hmunah an thlir bawk a ni.