ILP enfiah runpui neih a ni

Central YMA in ruahmanna a siam angin nizan khan Mizoram pumah Mizoram hnamdang awm te zingah ILP nei lo an awm leh awm loh enfiah runpui neih a ni a, Serchhip-ah pawh Serchhip Police te nen tangtlangin Serchhip Sub-Hqrs.YMA chuan ILP enfiah runpui hi an nei bawk.
Nizan a ILP enfiah runpui ah hian ILP kawl lo engemaw zat chu hruaikhawm an ni a, heng zinga thenkhat te chu ILP buaipui mek leh Office lama awm te a nih avangin chhuah leh an ni a, mi 4 te chu Police ten a tul anga an buaipui zui tura tih an ni. Heng bakah hian NH. 54 kawngpui laih hna thawh meka hnathawk mi 54 te chuan ILP an nei lo tih hmuh-chhuah a ni bawk a, Vawiin hian thuneitu ten an Camp-ah kalchilhin an buaipui zui bawk ang.