Vantawngkhawhthla-ah Ropeway siam tum a ni

Chief Minister Lalduhoma’n Vantawngkhawhthla thlirna leh a tui khawhthla inkarah Ropeway siam turin hmalak mek a ni tih a sawi.
Assembly thutkhawm neih meka Minister Demand sawihona ah Chief Minister chuan Planning Department-ah Ropeway siamna tur kalpui mek a ni tih sawiin, Vantawngkhawhthla thlirna leh a tui khawhthla inkarah Ropeway siam an tum thu leh hmalak mek a ni tih a sawi a, Sawrkar lo awm tawh ah Ropeway siam chungchangah buaina nasa tak a awm tih sawiin, pawisa a rinawmloh avangin ramin a chan phah tih a sawi a, tih nun leh mai a harsat avangin ramin a tawrh phah tih a sawi bawk.

Chief Minister chuan sawrkar inrenchem kumah Mizoram Legislative Assembly Member ten hma an hruai ngam tih sawiin, sawrkar hmasa a MLA te dawn theih thin tih tlem a nih thu leh kum danga an lo tih thin an tih ve tawhloh avanga a tlemna chu cheng vbc. 12.86 a ni tih a sawi a, Ram harsatna hrechianga member zawng zawngte mipuite tana ke pen ngama an awm chu lawmawm a tih thu a sawi a. A kaihhruai sawrkar ah Ruling leh Opposition thliar an tum ve lo tih sawiin, eptu bial pawh an harsatna te leh an mamawh te a hnena thlen tura a duh thu a sawi bawk.

Kuhvarah tam tur ven kawngah mithiam te nen beih ho a ni dawn tih sawiin, kuhva a hringa hralh ngawt lovin a a kalpui dan leh thawnchuah kawnga thil tha zawk a awm theihna tur ngaihtuah a ni tih a sawi a, nakum atanga thawnchhuah theih turin hmalak mek a ni tih a sawi bawk.