Tualto Party nih vangin vannei bik tih sawi

ZPM chuan nimin khan Aizawl-a an Office-ah Chhung Inkhawm neiin he hunah hian Chief Minister Lalduhoma chuan ZPM chu tualto Party an nih angin vanneihna bik an nei tih a sawi.

ZPM Chhung Inkhawm ah hian Lalduhoma chuan ZPM chu tualto party an nih avangin Central sawrkarah zawm bik an neih loh avangin tumahin an kut an phuar sak dawn lo niin a sawi a, “A thu a zira Central sawrkar thlawp theitu leh dodal theitu party kan ni a, hei vang hian Central sawrkar pawhin min ngai pawimawha, Vawiin thleng hian min thawhpui tha em em a ni,” a ti a. MP inthlanpui a an party Candidate Richard Vanlalhmangaiha chu Vote pui theuh turin mipuite chu a sawm bawk.

Chief Minister chuan sawrkar hmasa hnuaia contract hna thawh chungchang sawiin, “Hna zawh hun tawh, la zawh loh tam tak a awm a, hna thenkhat contract semsawm lutuk avanga hna chhe tak tak hmuh tur a awm nual bawk. Heng hna thalo te phochhuaka thuneitute beng a thlen theih nana min thawhpui zel turin mipui leh NGO te kan sawm a ni,” a ti a. Tunhnaia Video viral chungchangah pawh Vaisam YMA hruaitu pakhat thahnemngaihna zarah thuneitute beng a lo thleng tih sawiin, a chungah pawh an lawm hle tih a sawi bawk.

Comments

Popular News (Last 30 Days)

LPG man bithliah thar