Kum 5 hnuah MNF sawrkar leh dawn niin sawi

MNF Vice President Vanlalzawma chuan kum nga liam hnuah MNF an sawrkar leh dawn niin a sawi.

Nimin-a MNF party in Mizo Hnam Run Chhung Inkhawm an neih ah MNF Vice President Vanlalzawma chuan kum nga a liam leh meuh chuan an sawrkar leh dawn nia a lan thu sawiin, “Kan sukthlek en hian lehkhathiam tamna State ang deuhin kan kalphung hi a inher danglam dawn niin a lang,” a ti a. Kerela, Karnataka, Tamil Nadu-te thlirin kum nga zela roreltu inthlak chho ang deuhin Mizoram pawh hi a kal chho dawn nia a lan thu sawiin, “Tuna ZPM sawrkar pawh hian thil a titha viau a. Amaherawhchu, hun han kal deuh se mipuite sukthlek a danglam chho zel dawn a ni,” a ti. Lok Sabha MP inthlan lo awm turah MNF party-ah buaina tur a awm lo tih pawh Vanlalzawma chuan sawiin, an hotuten uluk takin an ngaihtuah dawn tih a sawi a. “Candidate an ruat dawn a, chu chu thuawih takin kan pawm mai tur a ni. MNF chu thuawih thei leh discipline nei tha kan ni,” a ti bawk.