Hna lak sut-ah MZP in lawmthu an sawi

Mizo Zirlai Pawl (MZP) chuan an ngenna ngai pawimawha Aizawl Municipal Corporation (AMC) in an hnuaia hna lak post 6 an cancel chu lawmawm an tih thu an sawi.

Nimin a thuchhuah an siamah MZP General Hqrs. chuan March 12, 2024 khan AMC hnuaia Geologist 3 leh Urban AH & Vety Officer, Junior Engineer leh Asst. Account Officer pakhat theuh lak danah dan kalha thiltih a awm ngeia an hriat avangin March ni 15 ralhma ngeia sut turin AMC hotute an ngen thu an sawi a. MZP ngenna leh duhdan angin AMC Executive Council Meeting March 15, 2024-a thukhawm chuan, AMC hnuaia hnalak hrang hrangte a sut (revoke) tih sawiin, March 18, 2024 (Thawhtanni)-ah sutna lehkha (order) hi tihchhuah a ni ta tih an tarlang a ni. MZP chuan Mizoram-ah eng hna pawh dan ang zela lak a nih a, a thiam leh ting apiangte lak an nih chu an duhdan a nih thu an sawi bawk a ni.