RUSA Asst. Professor-te Minister in nawrpui a tum

Higher & Technical Education (H&TE) Department changtu Minister Dr. Vanlalthlana chuan RUSA hnuaia lak Assistant Professor-te dahngheh an nih theihna atan nawr tlangpui ngei a tum thu a sawi.

Nimin-a Assembly Inkhawm ah INC Member C. Ngunlianchunga chuan MPSC in kum 2019-a RUSA hnuaia Asst. Professor a lakte chu State sawrkarin an term a tawp huna dahngheh a intiam thu sawiin, Council of Minister pawhin dahngheh chu a pawm tawh thu leh an term pawh October 31, 2021 khan a tawp tawh tih a sawi a. Hemi chungchanga zawhna chu H&TE Minister chuan chhangin, Asst. Professor-te chu dah ngheh tuma hmalak a nih thu a sawi a, “Dahngheh hleih theih lohin an awm. Ngaihtuah ngai tak a ni. Finance leh DP&AR nen te pawh kan ngaihtuah ho tawh. A hma-a ka lo aupui, sawi sak tawh an nih avangin nawr tlangpui ngei ka tum,” a ti a. Asst. Professor chungchang ah hian Chief Minister pawh hmu tawhin, a ni pawhin a lo ngaih pawimawh thu a sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result