Solar Plant atana tam dilna hnukkir turin ngen

Environment and Social Justice (CESJ) chuan Mizoram-a Solar Power siamchhuah tuma hmalakna chu sum leh paia hlawkna awm lo leh leilung tana thil thalo nia an hriat avangin sawrkarin khaw hrang hrang VC-te Solar Plant hmun tur a dilna hnuhkir an ngen.

CESJ chuan thuchhuah siamin, Ni zung chakna hmanga kawlphetha siamchhuah kawnga sawrkar hmalak tumna an zirchian atanga an thil hmuh an tarlang a, Public Private Partnership (PPP) Mode-a Solar Power siamchhuah chu tun dinhmunah Power a intodelh-na kalkawng pawimawh ber ni a an hriat loh thu leh PPP Mode-a Power siamchhuahna leh siam tumna hmun hrang hranga mi te enfel hmasak an duh thu te, Solar Power chu chhun lamah chauh hman theih a nih avangin zan lama phai atanga Power lak a ngaih reng dawn tho avanga awmzia a awm loh thu leh Thingtlang VC te hnena ram dil a, ni zung hmanga Eng siamchhuah belh chu sawrkar ta a nih chuan tha tak a nih laiin, PPP Mode-a Solar siamchhuah a nih erawh chuan a lei letna ah sawrkar a insen a ngaih dawn avang leh ram leilung nasa taka a tihchhiat bakah lo leh huana neih tlak loha a siam nen a inhen lo a an hriat thu an sawi a, hei bakah hian PPP Mode-a inremna chu hnamdang Company lian leh Mizo tute emaw hlawkna chauh a nih theih thu an sawi a ni.

CESJ chuan thingtlang khuaa hmasawnna thar din thenkhat chu a tirin mipuite lawm viau mahse a rei hnuah beisei anga thil a awm leh loh avangin lungawi lohna a awm thin nia sawiin, hetiang ah hian sawrkar chuan a nghawng theih thil te zirtirna pe hmasa thin tura an duh an sawi a, a awmna khua ten Direct-in Eng hi an pawt thei lo tih pawh hrilh hria se an duh thu an sawi a, hei vang hian Power & Electricity Department in Mizoram khaw hrang hranga VC-te hnena a an ram chhunga Solar Plant hmun tur dilna lehkha kumin February 19-a an tihchhuah tawh chu a rang lama hnukkir turin an ngen tih an sawi a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man