Serchhip-ah EVM 1st Randomization neih a ni
Serchhip District-ah hian Vote thlakna khawl hi Ballot Unit (BU) 138, Control Unit (CU) 165 leh Voter Verifiable Paper Audit Trail (VV-PAT) 159 a awm mek a, heng atang hian tun tum Lok Sabha Inthlanpui-a hman tur chu Computer Software hmangin nimin khan thliarfel a ni a, he hun hi Addl. DC James Lalnithanga ho in neih a ni.
Nimin-a EVM 1st Randominzation-ah hian Ballot Unit (BU), Control Unit (CU) leh Voter Verifiable Paper Audit Trail (VVPAT) te hi a hmanna tur Assembly Constituency thliar fel a ni a, 26-Serchhip AC-ah Ballot Unit (BU) 42, Control Unit (CU) 42 leh Voter Verifiable Paper Audit Trail (VVPAT) 45; 27-Tuikum AC-ah Ballot Unit (BU) 47, Control Unit (CU) 47 leh Voter Verifiable Paper Audit Trail (VVPAT) 49 leh 28-Hrangturzo AC-ah Ballot Unit (BU) 39, Control Unit (CU) 39 leh Voter Verifiable Paper Audit Trail (VVPAT) 136 te dan hran a ni.
Inthlanna thianghlim leh felfai a awm theih nan EVM Randomization hi neih thin a ni a. Khawi Constituency leh khawi Polling Station-ah nge EVM khawl te hi dah an nih dawn tih hi tu te mahin an hre lawk thei lo a. Computer kaltlangin Serial Number hmangin EVM khawlte hi khawia hman tur nge tih thlanchhuah thin niin hetianga Randomization neih ah hian Election Official te bakah Political Party emaw, Candidate aiawhte emaw tel tura tih an ni thin a. Nimin-a Randomization-ah pawh hian Election Officer Gaston Vanlalhriatpuia leh Election Official dang te bakah Political Party hrang hrang aiawhte leh Chanchinbumite an tel a ni.
EVM hi 2nd Randomization neih leh a nih hunah a hmanna tur Polling Station theuh thliar fel leh tur a ni dawn a ni.
Comments
Post a Comment