Serchhip Mipa Team in Final lut
20th Inter-District Volleyball Championship khelh mekah hian nimin khan Mipa leh Hmeichhia Semi Final khelh a ni a, Hmeichhe Semi Final-ah Serchhip District chuan Champhai District hmachhawnin 3-0 (25-8, 25-9, 25-18)-in Champhai District hi an chak a, Serchhip District Hmeichhe Team te hian Final an lut zo ta lo a ni. Hmeichhe Semi Final inkhel dangah Aizawl District in Lunglei District chu 3-1 (26-24, 25-21, 25-22, 25-11) in an hneh bawk a ni.
Nimin-a Mipa Semi Final khelh hmasa zawkah Serchhip District chuan nikum lama an hneh loh Champhai District chu hmachhawn lehin 3-0 (25-23, 25-23, 25-21) in Serchhip District hian hnehna an chang ve thung a, Final an lut a. Semi Final lehlam ah Lunglei District in Kolasib District chu 3-1 (25-17, 22-25, 25-9, 25-20 a hnehin Final an lut bawk.
Vawiin hian 20th Inter-District Volleyball Championship 2024 Final hi khelh a ni dawn a, Hmeichhia ah Champhai District leh Aizawl District ten Final khelin Mipa-ah Serchhip District leh Lunglei District te an inhmachhawn dawn a. Serchhip District leh Lunglei District te hi Pool Match ah lo inhmachhawn tawhin Lunglei District hian 2-1 in hnehna an chang a, Final-ah an inhmachhawn leh dawn a ni.
Comments
Post a Comment