Serchhip-ah Anaemia Test Treat Talk neih a ni

Poshan Pakhwada 2024 hman mek pualin nimin khan Serchhip-ah Anaemia Mukt Bharat hnuaiah ‘Anaemia Test Treat Talk’ neih a ni a, hemi denchhen hian a duh apiang tan Anaemia Test neih nghal a ni bawk.
Serchhip ICDS Project leh Health & Family Welfare Department te tangkawp in an buatsaih ‘Anaemia Test Treat Talk’ hi Serchhip ICDS Project-a CDPO Caryll Lalpari chuan kai-hruaiin Serchhip District Hospital-a Hmeichhe lam thiam Dr. Jeremy Vanramenga Pachuau chuan he huna kalkhawmte chu thisen tlakchham vanga harsatna awm thei hrang hrang chungchang a zirtir a. Thisen tlakchham vang hian nu naupai tan an naupai te ah harsatna a thlen theih thu leh hemi pumpelh nan hian naupai lai tan Iron ei that a pawimawh thu a sawi bawk.


Dr. Jeremy Vanramenga Pachuau chuan nu naupai ten a tlem berah nau an pai chhungin tum thum tal Doctor te rawn tur a nih thu sawiin, a vawi khatna hi thla thum hma lam leh a vawi hnihna hi thla thum atanga thla ruk niin a vawi thumna hi thla 8 leh thla 9-ah a ni tih a sawi a. Hei hi fa hrisel taka hrin theihna tura a pawimawh thu a sawi a ni.

He ni pual hian Serchhip Bazar leh a chheh-vel-ah Anaemia natna chungchang inzirtirna thuziak sem ni bawkin a duh apiangte tan a thlawna Anaemia Test neih nghal a ni bawk.

Comments

Popular News (Last 30 Days)

Vawiin-ah HSSLC Exam result