Sazuk kaptu-a puh mi 5 te thubuai siam sak an ni

Serchhip District chhung Sailulak rama Sazuk kapta a puh East Lungdar khaw mi panga te chu man an nih hnuah nimin khan Serchhip District Court-ah hruaiin Serchhip District Jail-ah khung an ni.
North Vanlaiphai Forest Division-a Divisional Forest Officer (DFO) C. Lalkhawthanga hnen atanga thu kan dawn danin East Lungdar khaw mi 5 te chu Inrinni khan Sailulak ramah ramvak in an kal tih hriat niin hei hi Forest Department-a thawktu te chuan an chhui zui hnuah Sazuk hi an kap nia hriat a ni a, nimin khan DFO North Vanlaiphai hnenah in report tura tih niin sa kaptu a puh te hian Satlaw an chhar niin an sawi thung a, DFO chuan satlaw pawh ni mah se, Sa humhalh bik an nih avangin leh Dan hnuaiah sawrkar ta a nih angin hmalak a nih thu a sawi a. Nimin khan Serchhip-a Chief Judicial Magistrate (CJM) hnenah hruai an ni a, nimin tlai khan Serchhip District Jail-ah khung nghal an ni.

Sazuk kaptu a puh te hi niin Lalhmingliana, Lalrammmawia, Kroschawisanga, Danny Lalsangzuala leh Lalnunrema te niin Wildlife Protection Act 1972 hnuaiah thubuai siam sak an ni a, Ulhbun pakhat leh a mu pakhat man tel niin Sazuk sa hi Kg. 10 vel chu an lo rep hman bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni