Sawrkar hnathawk aikal la mi 3365 an awm

Chief Minister Lalduhoma chuan Mizoram ah sawrkar hnathawk aikal la 3365 an awm mek thu a sawi.

Nimin-a Assembly Inkhawm a thu a sawina ah Chief Minister chuan sawrkar hnathawk aikal la zat hi sawiin an vaiin 3365 an nih thu a sawi a, heng aikal la te hi hriselna lama harsatna nei mi 2070 an nih thu sawiin, Inchhungkhur, chhungkaw lama harsatna nei mi 703, mimal-a harsatna nei, In luah tur hre lo leh an awmna tur hmun-ah tawng te an thiam loh avanga harsatna nei mi 350 leh chhuanlam tur nei lemlo mi 90 an nih thu a sawi a. Heng bakah hian thuneitu sang zawk thupek avanga aikal la 35 leh zirna sang zawk-a an kal zel duh avanga aikal la 43 bakah chhan chi hrang hrang dang 74 an awm tih a sawi bawk.

Sawrkar Department hrang hrang zingah School Education Department-ah aikal la tam berin 1115 an awm a, Health Department-ah 624 awmin P&E Department-ah 253 an awm bawk a, hemi chungchang hi Cabinet in tul a tih angin ala ngaihtuah tur thu a sawi bawk.