PHC-ah IV Grade chiah awm

Champhai District-a Sesih khuaa PHC-ah thawktu IV Grade mi pakhat chauh a awm. Nimin a Assembly Inkhawm zawhna leh chhanna hunah East Tuipui bialtu MLA Ramthanmawia chuan Sesih PHC-a Doctor chu tunhnaiah sawn a nih thu sawiin, sawrkar hmasa ah SEDP atangin Staff Nurse leh Technician rawih an nih thu a sawi a. Heng te hi ban an nih hnuah Sesih PHC-a thawktu chu Staff Nurse pakhat leh IV Grade pakhat an nih thu MLA chuan sawiin, Staff Nurse hian Maternity Leave a lak leh avangin tunah hian Sesih PHC-a thawktu awm chu IV Grade pakhat chiah a nih thu a sawi bawk. Health Minister chuan IV Grade thawktu pakhat chauh a awm chu pawi a tih thu sawiin, “Kan nei thuai turah ngaih a ni,” a ti bawk.