Revenue Department-a hna thenkhat midang hlan tum

Land Revenue & Settlement Department changtu Minister B. Lalchhanzova'n Revenue Department a thawktute indaihloh avangin hna thenkhat midang hnena hlan mai tum a nih thu a sawi a, tun dinhmunah Surveyor te an indaihloh avangin anmahni hna thawhpui tur Survey Firm empanelment buaipui mek a ni a ti.

He thu hi nimin-a Assembly thutkhawma zawhna leh chhanna hunah sawiin Revenue Minister B. Lalchhanzova chuan ram teh chungchangah Department in chak taka hma a lak theihloh avangin Vawiin atangin Outsource tura bultan a ni, a ti a, Firm hrang hrang tan hawn a ni tih sawiin, sawrkarin mipui manganna a hriat thu a sawi a, Revenue Department a thawktu indaihlo lutuk phuhruk nana tangkai tak anih a beisei thu leh Agency te hian a hranpa in ram a teh anga, fimkhur takin vawng dik thei tur rawih an tum dawn tih a sawi a, heng an va teh hi Technical Expert ten an thlifim zel dawn tih a sawi bawk.

Revenue Minister chuan ram pumah Surveyor indaihlohna a sang hle tih pawh sawiin, Surveyor Post 139 awmah Post 64 hnawhkhah leh hnawhkhah loh 75 a awm thu leh za zela 53 chu post ruak a awm tih a sawi a. SVAMITVA project hnuaiah khaw 369 teh zawh tawh a ni a, khaw tam tak teh tura hmalak zel a ni a, Outsource kalpuitu turte nen hmalak zel dan tur an sawiho zel dawn niin a sawi a. Mizoram-a District Council Area tih loh zawngah LSC leh Pass dang chi hrang hrang 2,72,028 a awm tih a sawi bawk.

Minister chuan Mizoram-ah rambuai chungchanga harsatna tam tak a awm tih pawh sawiin, mipui leh Department inkarah thil fello tam tak a lo awm tawh tih a sawi a, Department Administration tha thei ang bera kalpui anih theih nan ngaihtuahna sen mek a nih thu pawh a sawi bawk.

Comments

Popular News (Last 30 Days)

LPG man bithliah thar