PMEGP Loan pek thlirho

Nimin khan Kolasib-ah Kolasib District Level Monitoring Committee (DLMC) on PM-EGP (Prime Minister’s Employment Generation Programme) chu an Chairman leh District Bawrhsap John LT. Sanga hovin an thukhawm a, he hunah hian an District-a PMEGP kalpui dan hrang hrangte thlirho a ni. He huna tarlan a nih danin April 1, 2023 atanga March 1, 2024 chhung khan an District chhunga Nodal Department ten PMEGP Loan dilna an dawn 111 atangin 109 chu Bank-ah thawn a ni a, Project 32 chu Bank in loan an pe tawh a, cheng nuai 335.81 pekchhuah a ni tawh a ni.