P&E Department Privatised tumna a awm

Power & Electricity Department changtu Minister F. Rodingliana chuan P&E Department Privatised tumna a awm thu House a hrilh.

Nimin-a Assembly thutkhawm ah ZPM Member H. Ginzalala zawhna chhangin P&E Department changtu Minister F. Rodingliana chuan he thu hi a sawi a, P&E Department hi Privatised tur chuan Functional Unit pathum - Tranmission, Generation leh Distribution Strategic Business-ah te then phawt nise tiin hmalak mek a nih thu a sawi a, sawrkarin a lo zirchian ve phawt turin Proposal thehluh a nih thu a sawi bawk.

P&E Minister chuan ZPM Member Lalchhuanthanga zawhna pawh chhangin sawrkarin Hydel Project siam turin hmalak tumna a nei tawh tih a sawi a, “Tunah hian Tuivai HEP (MW 150), Ngopa bul; Tlawng HEP (MW 120), Lungleng khaw bul leh Turini HEP (MW 24), Sesawng bul te hi thawh a nih theihna atan hmalak mek a ni,” a ti. Heng Project hrang hrangah hian hmalak tumna hmasa ber sawi mai theih a nih loh thu sawiin F. Rodingliana chuan, Hydel Project siam tura thil tul pawimawh hrang hrangte leh a thawhna tur sum hmuh hmasak apiang thawh nghal zel a nih tur thu House chu a hrilh a. Sawrkar hmasain inremna a siampui tawh engemaw zat a awm thu sawiin, hun bituk awm lutuk awm lova tih a nih avangin hmalak tawh loh tura cancel a ni, a ti a. Chhim lama kawlphetha hmuh mumal loah hmalak mek a nih thu pawh sawiin, Chhimtuipui khuah turin NEEPCO te nen inremna siam ni tawh mah se tum anga a kal loh avangin cancel a ni tih leh hma thar lak mek a nih thu leh Mizoram-a eng luh lohna khuaa Eng pe vek turin sawrkarin ruahmanna a siam tih House a hrilh bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar